Fullkomið brúðkaup

Gamanleikurinn Fullkomið brúðkaup eftir Robin Hawdon er næsta verkefni LF. Stjórn LF réð til sín leikstjórann Guðjón Sigvaldason, en hann þekkjum við vel því hann hefur marg oft leikstýrt fyrir okkur áður. Áætlaður frumsýningardagur er 31.október á Iðavöllum.

En við krossum fingur hér og vonum að Covid19 trufli okkur ekki og að allir geti fengið að njóta þessa að koma á farsa á Iðavöllum og hlæja með okkur sér til ánægju.

Brúðkaupsdagurinn er runninn upp. Brúðguminn vaknar með konu sér við hlið. Hann hefur aldrei séð hana fyrr. Hver er þessi kona? Hvað gerðist kvöldið áður? Hann flækist inní atburðarás sem hann ræður ekkert við, brúðurin á leiðinni og herbergið í rúst, nakin kona í rúminu og þá er bankað… Fullkomið brúðkaup er frábærlega skrifaður gamanleikur, hraður, fullur af misskilningi, framhjáhöldum og ást.

Leikarar:

Hrefna Hlín Sigurðardóttir

Jón Vigfússon

Sandra Dís Linnet

Fjóla Egedía Sverrisdóttir

Trausti Dagbjartsson

Lilja Iren Gjerde

Aðalfundur 2020

 

 

 

 

 

 

 

Glatt var á hjalla á aðalfundi Leikfélagsins á miðvikudaginn 3.júní. Margir félagsmenn mættu og færri komust að í stjórn en vildu.

Nýkjörin stjórn Leikfélags Fljótsdalshéraðs:

Formaður: Ásgeir Hvítaskáld

Stjórnarmenn: Fjóla Egedía Sverrisdóttir, Sólveig Heiðrún Stefánsdóttir, Hrefna Hlín Sigurðardóttir og Einar Sveinn Friðriksson

Varamenn: Jón Vigfússon og Kristján H. Svavarsson

Skráning í LF er HÉR

 

Húsnæðismál Leikfélagsins enn einu sinni í umræðu.

Formaður leikfélags Fljótsdalshéraðs segir að það sé í raun á götunni á meðan ekki sé ráðist í að byggja almennilega sviðsaðstöðu á Egilsstöðum. Ekki var hægt að setja upp Línu Langsokk í Valaskjálf vegna árekstra við veitingarekstur í húsinu og er sýnt á Eiðum.

Lesa má fréttina frá Rúnari á RÚV hér

Lína Langsokkur kemur austur – Æfingar komnar á fullt

Myndaniðurstaða fyrir lína langsokkurFlottur hópur vinnur að uppsetningu barnaleikritsins Línu Langsokkur í leikstjórn Jóels Samúelssonar.

Stefnt er á frumsýningu 2. nóv. og sýningar verða síðan í nóvember.

Sýningar verða í hátíðarsalnum í Alþýðuskólanum á Eiðum

Stjórn Leikfélagsins

Nánari upplýsingar á tölvupósti leikfelagfljotsdalsherads@gmail.com

eða í síma 661-9298

 

Vetrarstarf að hefjast 2019

Á síðasta aðalfundi var ákveðið að prófa aftur að hafa félagsgjöld og bjóða fólki einnig að vera styrktaraðila félgsins.

Þetta er gert til að geta haldið betur utan um þá sem vilja starfa með félaginu, enda er félagsgjaldið lágt.  Frítt er fyrir fólk 20 ára og yngra og 67 ára og eldra.  En ef það vill greiða þá getur það gerst styrktaraðilar.

Fjölskyldutilboð:  Það er aðeins greitt eitt félagsgjald á fjölskyldu sem er með sama heimilsfang.

Skráning í félagið er hér: